受影視作品影響,好多人對公主嘅形象都係又瘦又靚嘅,但係,邊個話公主唔可以係「Plus Size」?最近一個叫Natasha Polis嘅美國女仔就發起一個「Plus Size Princess Project」(大碼公主計劃),號召其他身材豐滿嘅女仔一起扮迪士尼經典公主角色,希望藉此打破女性美嘅固有觀念。

Natasha Polis號召咗其他20個女仔,各自扮演21個迪士尼公主角色,佢哋扮演嘅公主一樣維妙維肖。Natasha透露,扮公主最大嘅難度喺搵服裝,因為坊間好少有大尺碼嘅公主禮服,所以好多人唯有用相似嘅日常服裝嚟代替。呢個挑戰大受好評,Natasha話佢一直夢想可以成為一名公主,但呢個社會就話佢知公主唔會係佢呢種身材。不過,佢表示:「但我已經不想再受這些限制束縛了!」Natasha認為,如果佢細個嗰陣可以見到呢班胖胖公主,自尊心一定可以增加。

圖:IG@plussizeprincessproject