香港大學的建築學者早前同海洋生物學家合作,研發咗一個創新嘅珊瑚復育方法。團隊利用3D設計同打印技術,製成「珊瑚礁盤」比碎落嘅珊瑚依附生長,藉以加快香港水域珊瑚復育的進程。


珊瑚碎片脫離珊瑚主體後一般難以存活,而「珊瑚礁盤」就能提供結構複雜嘅基礎,比珊瑚碎片依附著穩固生長。同時「珊瑚礁盤」能減少沉積物堆積,藉以消除對珊瑚生長的其中一個主要威脅,提高珊瑚復育的成效。


「珊瑚礁盤」嘅設計靈感來自珊瑚特有嘅生長形態,並因應本港水域情況作出適當調整。團隊運用3D粘土打印技術,將一般赤陶土打印出128塊直徑600mm嘅礁石,然後係窯中以攝氏1125度高溫燒成陶瓷。


今年年7月,研究團隊就係海岸公園內三個選定地點,設置咗總佔地約40平方米「珊瑚礁盤」,並將珊瑚碎片移植在珊瑚礁盤上。團隊都希望利用「珊瑚礁盤」作為珊瑚復育的新出路,既可加快修復珊瑚,亦能有效地保護生物多樣性。


圖片來源:香港大學