踏入11月底,日本野生灰熊因為即將進入冬眠而頻頻外出覓食,當地更發生咗多宗灰熊襲擊人類嘅事件。為咗避免居民被灰熊襲擊,北海道瀧川市近日就引入咗一款由當地研發嘅「機械狼」去驅趕灰熊。


據了解,「機械狼」身長 120 厘米、高約 90 厘米,配有一個紅外線感應器。當野生動物觸發到感應器時,「機械狼」嘅頭就會開始移動,眼睛亦會發出紅光,再加配上狼嚎、機械噪音等 60 多種聲音,絕對有足夠嘅阻嚇力去趕走灰熊。


其實日本各地早已共設置了約70隻「機械狼」,不過大部都用嚟驅趕破壞農作物嘅鹿及灰熊,而今次就係「機械狼」第一次被用嚟保護人類。對此,生產商「太田精器」嘅負責人就表示,希望比熊知道,人類居住嘅地區不是它嘅地盤,並同時幫助熊同人共存。


根據日媒報導指,日本國內熊的目擊率達到 5 年來新高,主要集中在日本西部同北部嘅農村地區。由2020年至今已更發生咗數十宗襲擊事件,當中更有兩宗致命個案,促使政府召開緊急會議商討對策。