可能大部人都會覺得一日24個鐘唔夠用,有時為咗爭取時間工作或娛樂,甚至會選擇減少自己嘅睡眠時間。係日本就有一個36歲嘅男人就呢樣嘢做到極緻,佢成功將自己嘅睡眠時間縮減至每日30分鐘,並維持呢個睡眠習慣足足12年。


呢個奇人叫堀大輔,佢高中畢業後曾從事音樂活動、做油畫家、製作結他的匠人、化學機械公司設計師,還是個速讀高手。而興趣廣泛嘅佢係25歲嗰年,就因為覺得每日24小時根本唔夠用,所以開始對睡眠進行研究,並係短短兩個月內將8個鐘嘅睡眠時間縮短成半個鐘。


雖然堀大輔每日淨係瞓30分鐘,但佢表示自問有足夠體力應付一日所需,而身體亦無出現任何毛病,十分健康。佢依家仲係「日本短眠者育成協會」嘅理事長,並會定期舉辦講座和教學班,教人點樣係健康和精神嘅狀況下縮短睡眠時間。


堀大輔最近係日本節目《「任意同行」願えますか?》上指,需要長期體力勞動或需要長期專注嘅人,其實唔需要長時間嘅睡眠,就例如消防員、醫生等,佢哋一般嘅休息時間比一般人短,但其工作效率依然好高。


當被問到如何克服睡意嘅時候,堀大輔就表示,根據自己多年研究,只要體內嘅能量燃燒後,大腦就會發出睡意訊息,所以只要喺運動或吃飯前約 1 小時,攝取適量嘅咖啡因就可以有效阻止睡意。


圖片來源:instagram@hori.gahaku