受新冠肺炎影響,好多行業都面臨重大危機,需要轉型求存。亞洲航空(AirAsia)就嚟個大轉型,又送貨又送外賣咁,就連行政總裁Tony Fernandes都親自揸電單車送外賣,仲有網民讚佢係個真領袖添。

平時嘅Tony多以親和形象示人,佢早幾日喺社交媒體擺咗兩張相,仲話:「準備好將食物送去你屋企,請注意查收@airasiafood」。自從新冠肺炎爆發以來,航空業陷入寒冬,飛機無得飛,Tony就多次變招求存、親力親為。例如將客機改成貨機,準機師落廚房幫手變廚師,唔少員工亦化身外賣速遞員幫手送餐,Tony更親身落場送外賣。唔少網民都大讚亞航積極求變嘅抗疫做法,仲有網民讚Tony係個真領袖。

圖:IG@tonyfernandes