唔知大家會唔會想係摩天輪底下做瑜伽呢?今個月27至29號,中環號摩天輪底下將會有一個名為「IRIS At The Grounds」嘅活動,比大家跳出疫情下社交距離限制嘅框框,享受一個獨特嘅瑜伽健身體驗。


活動嘅每個環節共有四小時,頭三小時將分別交替進行一小時嘅瑜伽和健身訓練,務求以充滿活力嘅瑜伽、高强度嘅全身訓練(HIIT),同埋運動後嘅拉筋伸展,為參加者的身心重新注入活力。


而做完一輪瑜伽同健身運動之後,參加者就可以係在專屬嘅私人花園入面,一邊食著健康又好味嘅食物,一邊欣賞精彩的音樂表演,好好咁休息一下,釋放疫情期間所累積嘅生活壓力。


要注意嘅係,主辦單位為左保障參加者嘅安全,規定每個私人花園只可容納兩個人,而且參加者更需自備瑜伽墊。


圖片來源:IRIS At The Grounds