「飛鼠裝」係一種特殊嘅跳傘裝備,極限運動愛好者喺著上佢之後,就可以天空上高速滑翔。而為咗延長「飛鼠裝」嘅滑翔時間,最近有愛好者就同BMW公司合作,設計咗一套胸前裝有渦輪發動機嘅「動力飛鼠裝」。


據了解,呢件「動力飛鼠裝」嘅設計意念主要嚟自「飛鼠裝」兼特技演員Peter Salzmann,而佢多年嚟都一直思考點樣為「飛鼠裝」加上可持續推進力,令佢可享受多一陣喺天空滑翔嘅時間。而今次佢喺同BMW Designworks嘅合作下,就設計出呢套新嘅「飛鼠裝」。


一般「飛鼠裝」大約每水平移動 3 公尺就會下降 1 公尺,時度最高可達 100 公里,但呢款「動力飛鼠裝」因為裝有可以提供 15 公斤推力嘅渦輪發動機 ,所以時速可達 300 公里以上,而且可以做到短暫嘅爬升。


Peter喺「試飛」完畢後指,「動力飛鼠裝」同常規「飛鼠裝」相比,「動力飛鼠裝」更能為人帶嚟實際「飛行」嘅感受,而操作者亦須要更多嘅核心同四肢力量去抵抗強風,去滑翔嘅方向同速度。


「動力飛鼠裝」的介紹影片:



圖片來源:Youtube@BMW