日本一間印刷公司近日就將卡片結合口罩,推出咗一款名為「名刺マスク」(卡片口罩)嘅新產品。呢款口罩上面印咗佩戴者嘅個人資訊,所以係戴住口罩嘅前提下,人哋都可以一眼認得出你係邊個。


「卡片口罩」嘅售價為1500日圓(約港幣$110),有3種設計可供選擇,而印刷公司亦會按照客人啲要求,係口罩印上姓名、職位、自我介紹,甚至照片等不同資訊。


不過呢款「卡片口罩」係推出後,就引嚟唔少網呢嘅質疑,並留言話:「個人資料完全外洩」、「直接交換卡片仲實際」、「只限係公司嘅時候戴」


其實呢間1919年創業嘅印刷公司「長屋印刷」本身無生產口罩嘅,但因為疫情令生意下滑,所以先被迫而開展口罩業務,並推出咗「卡片口罩」呢個極具「創意」嘅產品。


圖片來源:Twitter@nagaya_p