美國航空公司Skywest Airlines日前係社交媒體發布照片,指公司有一對母女分別擔任機長同副機長,駕駛同一班客機,而佢哋仲成為咗史上首對民航機師母女檔。航空公司更指,當日嘅乘客們都因此而感到特別安心,因為佢哋都相信母女之間嘅默契配合一定比其他人好。


根據外媒報道, 除咗56歲嘅媽媽 Suzy Garrett 同 26歲嘅女兒 Donna Garrett 係機師之外,爸爸同細仔都係機師,佢哋一家人簡直係飛機師世家。而媽媽Suzy 更係 Skywest Airlines 首批女機師之一,同期只有10名女性。


擁有30年經驗嘅 Suzy 坦言,自己初初入行時機師行業當時的確由男人主導,自己亦曾經因為被同事嘲笑而失去自信。不過  Suzy 就指女性一樣有能力成為好機師,並希望自己可以成為年輕女仔嘅榜樣。


受媽媽嘅影響,從小就立志要成為一名飛機師嘅Donna,最終亦如願加入咗媽媽所任職的Skywest Airlines,同媽媽合作駕駛飛機。而佢亦鼓勵女性要勇於嘗試,不需要限制自己,覺得一些職業唔適合女性。


圖片來源:Instagram@donnaa_jo