喺英國一間名為 Bright Ears UK 嘅網店入面,每一仔公仔都有唔同嘅缺陷,有啲戴咗助聽器、有啲插著氧氣喉、有啲甚至有「兔唇」。可能大部人都會嫌棄呢啲有缺陷公仔,但對於殘疾兒童嚟講,呢啲同佢哋有同樣特徵嘅公仔,可能就係佢哋最好嘅玩具。


Bright Ears UK 嘅創辦人Clare Tawell 曾經表示,大家生活係一個非常重視「正常」嘅世界,一旦有人係生理上或外觀上與眾不同,就好容易覺得自己係「唔正常」。而製作呢啲「缺陷公仔」就係為咗令殘疾兒童唔好覺得自己係「唔正常」,避免影響到佢哋嘅自尊心同自信心。


其實Clare嘅囡囡係一個需要長期戴著助聽器嘅聾啞兒童,當初佢就係因為買唔到一隻戴著助聽器嘅公仔,所以自行製作咗一個公仔送比囡囡。而佢係網上分享咗呢隻特製嘅公仔之後,就有唔少人問佢可唔可以為製作公仔,於是佢就順理成章開咗了專賣「缺陷公仔」嘅網店,接受大家嘅訂單,滿足唔同人士嘅需求。


除了一啲育有殘疾兒童嘅家長會訂購「缺陷公仔」之外,都有唔少幼稚園會向Clare購買公仔作教學用,嚟教導小朋友唔好「以貌取人」,要有包容心。至今 Bright Ears UK已經賣出咗2,000隻公仔,而唔少家長係收到娃公仔後,都分享子女同公仔嘅合照片,而呢啲小朋友們面上真摯嘅笑容,都足以證明Clare所製作嘅公仔或多或少改變咗佢哋嘅生活。


圖片來源:Facebook@ Bright Ears UK