本港經濟受新冠肺炎影響大受打擊,不過社企銀杏館依然堅持每日派「福飯」俾基層市民,有位媽媽更大讚囝囝因為食咗福飯先快高長大,銀杏館希望「福飯」可以令更多弱勢社群感受到溫暖同快樂。

銀杏館喺其facebook專頁發文指,呢位媽媽每日都會抱住一歲囝囝嚟拎「福飯」,有日義工同媽媽講笑:「你囝囝長得好大隻喎,看起來一點都不像只一歲!」媽媽就幽默回答:「係呀!因為食咗『福飯』吖嘛,所以咪快高長大囉!」大家聽完都哈哈大笑,媽媽亦暫時忘記生活嘅艱辛。

呢啲小情節幾乎每一日派飯都發生緊,義工們回想返發覺有感慨,亦有快樂。佢哋覺得,呢位媽媽咁鐘意嚟呢度,除咗可以得到溫飽,亦搵到溫暖。銀杏館文末呼籲各位善長慷慨解囊,等「福飯」可以令更多弱勢社群感受到溫暖同快樂。

圖:FB@銀杏館