日本書法家「もにゃいずみ 書家」近日推出咗一款名為「明朝体神経衰弱」嘅拼圖,而拼圖更如其名,玩家絕對有可能會玩到神經衰弱。


呢款拼圖需要玩家辨認24種唔同嘅「明朝體」,並將對應嘅「明」字放入對應嘅框入面。由於每款字體都好相似,所以辨識難度極高,而玩家亦要高度集中先可以完成拼圖。


其實日本嘅「明朝體」係源於中國嘅「宋體」,而「宋體」本身嘅筆畫有粗細變化,而且一般係橫細豎粗,末端有裝飾部分(即「字腳」或「襯線」),點、撇、捺、鉤等筆畫有尖端,常用於書籍、雜誌、報紙印刷的正文排版。


圖片來源:Twitter@Monyaizumi