被「麥田怪圈」深深吸引嘅美國藝術家 Andres Amador,過去12年喺北加州同世界各地嘅沙灘上,用耙創作咗唔少巨型嘅幾何圖案,而呢種咁特別嘅藝術更令佢被人稱為「地景藝術家」。


為咗得到最好嘅效果,Andres甚至會以Google地圖挑選出全球最好嘅沙灘,並專程前往創作巨型沙灘畫。Andres更表示,每一幅沙灘畫喺創作時所需嘅步驟都係獨一無二嘅,無兩件作品係完全相同。


Andres嘅沙灘畫最大可達35000平方米,而每件作品都需要大約2個鐘去完成。


可惜嘅係Andres嘅作品只可以維持一段時間,因為一旦潮漲,佢所畫嘅所有嘢都會被沖散。不過Andres就表示,唔會在意作品被毀壞,而佢更加視呢樣嘢為動力,推動自己創作更好嘅作品。


圖片來源:Facebook@AndresAmadorArts