雖然昆蟲含有豐富蛋白質,但講到「食蟲」就唔係人人都接受到。不過如果係將昆蟲融入拉麵, 大家又會唔會更容易接受呢?日前日本一位男子為咗推廣「食蟲」文化,就係東京開咗一間昆蟲餐廳「ANTCICADA」,而餐廳更主打一款含有原隻蟋蟀嘅「蟋蟀拉麵」。


根據26歲嘅餐廳創辦人篠原祐太嘅介紹,「蟋蟀拉麵」除咗有原隻蟋蟀之外,湯底更加用咗過百隻蟋蟀熬製,並加入咗蟋蟀醬油。而拉麵本身亦都加上咗蟋蟀碎屑,可以話係「原汁原味」。


除了「蟋蟀拉麵」之外,餐廳仲有賣蟋蟀豉油、蟋蟀啤酒、蠶砂珍珠奶茶以及昆蟲罐頭,餐廳甚至會因應季節為客人提供唔同種類嘅昆蟲定食。


圖片來源:Facebook@antcicada.jp