踏浪艇,大家聽過未?知唔知點玩呢?原來踏浪艇係一種好容易操作嘅小艇,最近就有人引入呢種玩意,帶領大家暢遊吐露港,投入大自然懷抱,享受屬於自己嘅時刻。

技術要求低 老少咸宜

踏浪艇」(Pedal Kayak源於北美洲,通常用於海上或湖畔垂釣,據「登山達人曾志成表示:「踏浪艇其實係唔使用手划嘅獨木舟,改為用腳踩,由於腳嘅力大過手,而且操作唔使任何技術,相對要求比較低,老少咸宜。」而且踏浪艇速度唔算太慢,平均時速4公里,由大尾篤踩去馬屎洲(約1公里),大概十幾分鐘就得,就算去三門仔(2公里)同深涌(4公里),大部分人都應付得到。

曾志成又話:「假如划獨木舟嘅話,雙手唔可以停落嚟,但係踩踏浪艇就唔同,可以周圍望、影相、同人傾談,享樂性大啲,人都無咁緊張。」

大尾篤出發 暢遊吐露港

佢哋安排嘅旅程,會由大尾篤出發沿途經過馬屎洲、燈洲、深涌、荔枝莊老虎芴。其中馬屎洲係世界地質公園,可以睇奇形怪狀石頭;喺荔枝莊,潮退時以睇到約有1.46億年歷史貌似龍船岩石;而老虎芴就係昔日養珍珠場。

到咗黃昏,佢哋會入住荔枝莊明愛小塘營不但環境清幽海水清澈見底晚上更可走近岸觀星添!曾志成表示:「我哋喺荔枝莊BOOK咗明愛小塘營,可以沖身,相對舒服啲,而且晚上可以喺營內燒烤,所以架艇就唔使帶太多食物。」如果你都有興趣嘅話,可到「登山達人」FB專頁(https://www.facebook.com/1478560565722732/posts/2853939201518188/)查詢。

圖片及影片來源:登山達人


「踏浪艇」(Pedal Kayak)源於北美洲,通常用於海上或湖畔垂釣。

踏浪艇其實係唔使用手划嘅獨木舟,改為用腳踩,由於腳嘅力大過手,而且操作唔使任何技術,相對要求比較低,老少咸宜。


行程會經過馬屎洲嘅世界地質公園,可以睇奇形怪狀石頭。

荔枝莊明愛小塘營,可以喺度沖涼同休息,晚上仲可喺營內燒烤添。


置身遼闊嘅吐露港,身心都得到放鬆。