唔知大家仲記唔記得舊年7月係日本發生嘅京都動畫縱火案呢?相信唔少人當時都被呢一單案深深震撼,而日本一位15歲嘅中學生都唔例外。不過佢為了防止悲劇重演,更加設計左一款兼具防盜同防災功能嘅鐵窗。


由於京都動畫工作室嘅一樓窗口有加裝鐵窗防盜,所以係火警發生嘅時候員工都無辦法爬出窗口逃生。而為咗解決鐵窗係火警時阻礙逃生嘅問題, 從小就好鐘意DIY嘅中三學生稲垣龍樹,就著手設計咗一款具有基本防盜功能,但係緊急時候又可以由室內輕鬆拆卸嘅鐵窗。


呢款鐵窗嘅四個角落都由卡榫固定,緊急時候只要扭開四個角落嘅卡榫,鐵窗就可以向外推出,等人可以爬出窗外逃生。呢一款鐵窗之後仲得到「世界青少年發明展銀牌」,可以話係得到世界級嘅肯定。

鐵窗嘅介紹影片:


圖片來源:坂本地域まちづくり推進協議会