香港漫畫家再次揚威國際!香港漫畫家麥天傑,憑作品《非常道 零》獲頒「第十三屆日本國際漫畫獎」銅獎,成為繼李志清、劉雲傑、戴慶賢、鄭健和、黎達達榮、馮志明等9位本港漫畫家後,第10位獲此獎項嘅香港漫畫家。 

「日本國際漫畫獎」(Japan International MANGA Award)自2007年5月創立以嚟,就係國際漫畫界爭相競逐嘅最高榮耀之一,今屆「日本國際漫畫獎」雲集咗66個國家及地區、合共345部作品。麥天傑對獲獎感到榮幸,形容係一種鼓舞,佢有感本地漫畫以至出版業嘅前景日漸低沉,希望盡力多創作,拋磚引玉,吸引更多同業或新秀創作,繼而推動本地漫畫業持續發展。

日本駐港總領事館廣大使兼總領事和田充廣亦表示,期望比賽能夠進一步鼓勵漫畫創作,期待各位漫畫家善用漫畫豐富多變嘅表現力,為世界各地嘅人帶來歡樂,分享感動。

圖:FB@Hong Kong Arts Centre,日本駐港總領事館