康樂及文化事務署又有新節目喇,由年輕編舞家曾景輝主持嘅免費網上節目《舞影‧冒蹤》已經正式喺網上發布!《舞影‧冒蹤》以「舞蹈與攝影」為主題,曾景輝會喺一連四集節目度解構兩者間嘅微妙關係,探索舞蹈視覺點樣轉化成攝影畫面,而相機嘅影像又點樣幻化成創作靈感。

曾景輝會喺4集嘅節目裏面,同大家分享佢對舞蹈同攝影嘅心路歷程獨白、過往拍攝嘅舞台劇照、精選個人攝影作品等。佢仲會同多位藝術家一齊憶述舞台嘅點滴,同資深編舞及舞台攝影前輩對談,分享各自嘅藝術喜好,用同一題材記錄拍攝實況,互相交流切磋。

《舞影‧冒蹤》第一集宜家可以喺以下網址睇到喇,而嚟緊亦會陸續發布第二至四集,大家記得留意喇~

https://www.lcsd.gov.hk/CE/CulturalService/Programme/tc/dance/programs_1025.html#tab_1_0

圖:康文署