一個11歲嘅小朋友失去雙親,被有心人領養恐怕係唯一出路,不過越南有個小朋友Dang Van Khuyen就拒絕被領養,堅持自己種菜養活自己,堅強到令人心痛。

Dang Van Khuyen細細個就失去母親,由嫲嫲湊大,而全家唯一嘅經濟來源係外出工作嘅爸爸。好不幸地,爸爸因為一次意外而過身,嫲嫲亦要改嫁去另一條村,剩返Khuyen一個。學校老師為Khuyen籌款,仲將Khuyen嘅故事喺網上公開,經過越南媒體報道之後,好多人送糧食、物資俾Khuyen,更有人表示願意領養Khuyen。不過,Khuyen就拒絕被領養,寧願自己喺屋企附近種菜嚟養活自己。Khuyen坦言,雖然夜晚瞓覺嗰陣聽到嘅風聲令佢不安,但佢依然堅持獨居。而Khuyen亦無放棄學業,每日踩單車返學,返屋企做完家務就開始讀書,認真乖仔。

圖:網上圖片