新冠肺炎疫情嚴重打擊香港經濟,好多企業都因為經營困難而無意增聘人手,甚至需要裁員。係呢個情況下,20至24歲青年嘅失業率更高達20.1%,而今年首季嘅全職畢業職位數目更較去年同期急跌40%,年輕人嘅就業前景真係不容樂觀。


為咗幫助年輕人係疫情下搵工,聖雅各福群會就聯同渣打銀行推出咗一個「 Futuremakers' First Job 青年就業及資助計劃」,半額資助不同行業嘅中小企,等佢哋可以係招聘成本降低的情況下,提供全職或者短期獨立工作空缺。隨後計劃再會透過一個嶄新嘅職業配對APP,比一眾應屆DSE 、大專及大學畢業生根據自己嘅興趣同能力,配對到適合嘅工作。


渣打銀行香港區行政總裁複惠儀表示,今次呢個計劃有望資助100間中小企,提供超過600個、以短期獨立工作為主的位空缺,同時為400個年輕人提供就業培訓及同工作機會。 而係各行各業都減少招聘全職長工,以及越嚟越多年青人追求彈性工作的環境下,相信呢個計劃更可締造雙贏嘅機遇。


聖雅各福群會總幹事李玉芝亦表示,職場「第一份工」對畢業生嚟講非常重要,無論佢哋係唔係投身心儀的工作行業都會有所得著。而佢哋係工作入面學到嘅投巧就可以豐富個人履歷,幫助佢哋將來搵到更理想嘅工作。


已經參與呢個計劃嘅應屆畢業生Cherry就表示,自己早前經寄出近60份求職信,但只獲得1次面試嘅機會,令佢十分灰心,特別當身邊嘅朋友搵到工,自己就會更加焦急,並擔心自己會一直待業。而對韓文翻譯工作有興趣,但又無呢方面經驗同人際網絡嘅Cherry,就期待今次計劃可以幫助自己入行。