一到秋冬,就踏入大東山賞芒草季節。漫山遍野都係金黃色芒草,又確實係打卡嘅理想地方,不過大東山係香港第三高峰,並唔適合新手,貿然上山,分分鐘會發生意外架,所以出發前一定要認識清楚,咁先可以好好享受架嘛

三條路線 可供選擇

大東山位於大嶼山南部,海拔高度869米高,全港第三高山峰。觀賞芒草最佳時間就係每年10月下旬至11月上旬

登大東山主要有3條路線,分別由伯公坳沿鳳凰徑上山、由南山沿鳳凰徑上山,同埋由東涌沿黃龍坑郊遊徑上山,其中由伯公坳出發,由於起點已經有海拔340相對攀升幅度較少,上山會較輕鬆不過,都唔代表非常易行,因為由伯公坳大東山山頂,需要兩公里多路,攀升529,都幾考驗體力架

山路陡峭 量力而為

要前往伯公坳,可以東涌港乘搭3M1123大嶼山巴士,然後喺伯公坳落車,見涼亭就開始登山,跟住沿鳳凰徑行就可以上大東山,需時約3小時,起步頭一小時都係直上樓梯,行得太急都幾索後段就係碎石路加泥路,建議登山鞋較佳海拔上升,山路旁芒草會愈來愈多,不過條路唔算闊,影還影,唔好阻住其他人呀

鳳凰徑並會經大東山山頂,最高上到770米高,如果要上山頂話,則要沿小徑上869米山頂,呢段路非常陡峭,部分位置可能要手腳並用,建議大家量力而為。其實就算上山頂,亦會錯過太多美景。之後山路會開始向下,就到達著名嘅爛頭營小屋群,亦係網上經常見到嘅打卡位

爛頭營亦係旅程盡頭,回程可以行落黃龍坑道返東涌,不過石級落差頗大,極考體力,亦可以原路返回伯公坳,不過就要坐巴士返東涌啦

提提你 切忌上屋頂

最後再提醒大家,喺爛頭營切勿爬上石屋屋頂影相,不但石屋有倒塌危險,而且非常缺德,唔好為咗打卡呃Like而亂嚟呀


登大東山主要有3條路線,其中由伯公坳出發,相對較輕鬆。


起步頭一小時都係直上樓梯,行得太急都幾索氣。


跟住逐漸見到芒草,不過大家影相之餘,最好行埋一邊,咁就唔會阻到其他人。


隨住海拔上升,山路旁嘅芒草會愈來愈多。


喺呢度亦可以俯瞰山下景色。


喺上周拍攝嘅情景,可以見到芒草都幾密。


同樣係上周拍攝嘅情況,上到爛頭營,漫山遍野都係芒草。


爛頭營嘅石屋亦係影相熱點。


不過大家唔好學呢啲人咁,爬上屋頂打卡咁無品呀!


跟住可行落黃龍坑道,返東涌不過石級落差頗大!


嚟到黃龍坑道,可以行路或坐車到東涌。


大東山路線圖