位於日本大阪萬博紀念公園中嘅巨型摩天輪「大阪之輪」係全日本最高嘅摩天輪,而官方近日就為部分摩天輪車廂改裝成「鬼屋」,並推出一個名為「地獄的喪屍摩天輪」活動,讓參加者去挑戰這個與眾不同嘅「空中鬼屋」。


官方表示,該個被改裝嘅摩天輪車廂用咗最逼真嘅投影技術、立體音響及震動效果,而整個體驗需時18分鐘,即係摩天輪轉一個圈嘅時間。據了解,參加者喺摩天輪入面嘅反應會影響故事嘅走向,出現「TRUE END」或「BAD END」兩個唔同嘅結局。


官方亦表示,呢個摩天輪最恐怖嘅係乘客即使被嚇破膽,但都因為身處半空而無處可逃,只能等待摩天輪慢慢繞回地面。除此之外,呢個活動仲包含了畏高、密閉空間等其他鬼屋無嘅元素,真係相當特別。


圖片來源:Redhorse Osaka Wheel,Twitter@dorachan1205,Twitter@@ZenMarketJapan