今日就係萬聖節喇,唔少人都會參加唔同嘅活動,例如:去鬼屋挑戰自己嘅膽量。不過除左一啲動態活動之外,香港都有唔同嘅萬聖節市集,比大家扮鬼扮馬,感受一下節日氣氛。


PMQ元創方 — 「萬聖節美食市集」


PMQ元創方嘅市集有萬聖節嘅產品賣之外,仲有多個特色美食攤位。而市集舉行期間更有英國古典喪屍快閃街舞,以及Beatboxer Heartgrey表演。



另外,香港知專設計學院時裝及形象設計系仲策劃咗一個名為「天使與魔鬼」嘅化妝易容所,為參加者化上唔同嘅妝容影相打卡。


D2 Place —《藍:月》市集


D2 Place 一向都有舉辦不同類型嘅市集,而係10月31日至11月1日亦都會有一個以萬聖節作主題市集《藍:月》。


市集以萬聖節當晚會出現的「藍月」命名,但其實所謂嘅「藍月」唔係指月亮會呈藍色,「藍月」只係一個陽曆月內第二次出現滿月嘅俗稱。


利東街 —「周日喵喵市集」+「萬聖『喵』派對」


「周日喵喵市集」由利東街與香港愛護動物協會合辦,市集將齊集各位主子同貓奴愛不惜手的嘅時尚精品,而中庭嘅位置仲有一隻5米高嘅吹氣巨貓比人影相打卡。


利東街亦會係萬聖節當晚嘅6pm-9pm舉行的「萬聖『喵』派對」,歡迎參加者齊齊換上「喵喵」裝扮,競逐最佳造型獎,贏得限量版「巨喵Cushion」。