平時出去食飯,啲餐廳將啲菜式擺盤整到靚一靚,吸引食客眼球。喺日本,就有一位爸爸為咗氹孩子食刺身,於是將刺身擺盤砌成動物同童話故事主角,精美程度比起專業大廚有過之而無不及。

呢位爸爸起初只係諗住培養仲讀緊小學嘅孩子對食物嘅熱愛,喺教孩子烹飪嘅過程中,萌生出以生魚片作畫嘅諗法,希望將烹飪變成一種藝術。起初呢位爸爸嘅擺盤都係擺得整齊啲、靚啲,但佢逐漸掌握到魚唔同組織嘅特性,進行藝術創作,例如魚皮可以用嚟做有花紋嘅服裝或發光嘅裙擺,透明嘅魚肉又可以用嚟做翅膀等等。

佢不斷磨練刀功,關注唔少專業嘅日本料理廚師,花時間同孩子探索新創作。佢亦專登去學攝影,同網友分享佢嘅作品。不過比起吸like,對佢嚟講更重要嘅係同孩子享受發掘食物之美嘅過程。

原圖:IG@mikyoui10