今年係東華三院成立150週年,東華三院多年嚟一直為香港人提供醫療、教育同社會服務。佢哋嘅籌款工作亦隨住香港社會發展,不斷變遷,近日香港文化博物館舉行「善道同行──東華三院籌募文化與社會發展」展覽,展出超過200件珍貴文物同歷史相片,讓觀眾透過東華三院籌募文化,了解香港社會發展,重溫香港人嘅集體回憶。

為咗維持同擴展東華三院嘅服務,東華三院每年都會舉辦唔同類型嘅籌募活動,由成立初期嘅沿門勸捐,戰後紅伶義唱、慈善遊藝大會同電視籌款,直至近年社交媒體募捐,透過唔同活動培養大眾慈善意識,透視出唔同年代香港社會民生面貌,反映東華三院150年以嚟一直與時並進,將慈善籌募同大眾娛樂聯繫起來,達至寓善於樂,豐富大眾生活。

今次展覽由康樂及文化事務署同東華三院聯合主辦,並由香港文化博物館同東華三院文物館聯合籌劃。展覽由尋日(28日)開始到明年1月25日喺香港文化博物館一樓專題展覽館一、二同聚賢廳舉行,市民可以免費入場參觀,詳情可以瀏覽:https://www.heritagemuseum.gov.hk/zh_TW/web/hm/exhibitions/data/exid266.html。

原圖:香港文化博物館