唔知大家今年用咗自己嘅生日優惠去海洋公園未呢?未嘅話不妨留返嚟試下海洋下月推出嘅夜間限定「夜·玩·派」挑戰喇!只需手持標準入場門票、智紛全年入場證或無限次入場證,就可以同3個好朋友一齊組隊挑戰一連串任務,贏取運動品牌換領券及現金券、豐富小食禮品包同園內消費現金券等豐富獎品。

喺11月6至8號、13至15號下晝5點至夜晚9點半,海洋公園將推出全新夜場挑戰「夜·玩·派」,平時嘅「動感快車」、「翻天覆地」、「橫衝直撞」等刺激機動遊戲都會變成任務之一。仲有特設嘅投擲遊戲攤位、喺秘密景點同朋友擺出高難度自拍post、極考反應嘅「逃出熔岩陣」、單手餵隊友食超辣雞翼等任務等大家嚟挑戰,測試彼此默契之餘又可以聯手合作贏獎品!

詳情可瀏覽:https://www.oceanpark.com.hk/tc/experience/seasonal-events/game-all-night?ref=hp-main

圖:海洋公園