位於赤柱監獄嘅「好望閣」早係2018年11月19日正式啟用,係亞洲首間專為男性在囚人士而設嘅心理治療中心。而係懲教署嘅支持下,「好望閣」今年9月就引入咗好多新的元素,仲啟用咗全新的治療設施,確保男性在囚人士可以得到最適切嘅心理輔導服務。


礙於傳統嘅性別觀念,男性一般都渴求展現強者形像,傾向獨自解決問題,忌諱表露情緒,而佢哋主動尋求治療嘅動機較弱。所以「好望閣」今次引入新元素,就係為咗令治療項目更切合男士嘅獨特心理需要,鼓勵佢哋接受心理治療,走出犯罪漩渦,建立正向生活模式。


男士一般都熱愛體育運動,所以「好望閣」早前就同專業體育團體「運動改變人生基金會」合辦「同行運改計劃」,比專業體育教練向男性在囚人士教授體育運動,去提升了佢哋對運動的興趣,並促使他們在院所展開健康生活。


今次「同行運改計劃」就新增咗單車項目,參與者可以透過智能單車同電子屏幕,係虛擬賽道上面進行唔同形式嘅單車運動。而臨床心理學家就會以呢個為介入點,在運動過程中為參與者進行一系列嘅心理治療,令佢哋重拾自信,同埋強化佢哋「迎難而上」的男性特質。


懲教署署長胡英明亦試玩智能單車

除此之外,「好望閣」亦都推行咗一個名為「跨代同行,生命的耆跡」嘅心理治療計劃。年輕嘅在囚人士會陪年長嘅在囚人士回顧人生,並為佢哋編制生命故事冊。年長嘅在囚人士透過細味值得懷緬的經歷,可以用更正面嘅態度整合人生,預防老年抑鬱。而年輕嘅在囚人士就可以喺活動中身體力行關心長者,將「以行動關顧別人」嘅男性特質付諸行動,並從長者豐富嘅人生經歷中吸取教訓,避免喺更生路上重滔覆轍。