早前因新冠肺炎疫情而宣布移師網上舉行嘅「香港美酒佳餚巡禮」,將會喺今年11月11號至12月15號舉行,屆時會有超過100間酒商參與網上酒窖,逾530間餐廳提供優惠同外賣套餐,仲有34堂以美酒美食為主題嘅「網上大師班」。市民除咗可以喺活動網站免費收睇大師班嘅直播或節目重溫活動之外,仲可以網購食材或品酒套裝返屋企慢慢嘆。

由旅發局主辦嘅「香港美酒佳餚巡禮」今年將以「線上、線下」形式舉行,並會建立一個一站式網上平台,提供網購美酒同餐飲服務。旅發局主席彭耀佳表示,考慮到疫情會同社會共存一段時間,推廣工作須因時制宜,故決定重辦「香港美酒佳餚巡禮」,作為抗疫新常態下嘅新嘗試,並藉此推動本地經濟。

詳情請瀏覽:https://winedinefestival.discoverhongkong.com/tc/

圖:旅發局