國際太空站由去年8月開始就已經持續出現氣體洩漏,直至近日俄羅斯嘅太空人終於搵到洩漏嘅位置,而關鍵竟然係茶葉?

話說國際太空站由去年8月起持續出現氣體洩漏,直至今年8月情況加劇,令國際太空站上嘅太空人要盡快搵出原因。

塔斯社引述俄羅斯太空人伊凡尼辛(Anatoly Ivanishin)表示,佢哋將茶包茶葉放喺零重力環境當中,關閉中轉隔艙(transfer chamber)之後再用紀錄茶葉嘅移動方向,茶葉緩慢地飄向星辰號服務艙通訊設備附近牆上嘅刮痕,太空人於是用絕緣膠帶封住洩漏位置,令氣壓下降速度減慢。

但曾經創下滯留太空最長天數世界紀錄嘅俄羅斯太空人帕達卡(Gennady Padalka)就指出,用絕緣膠帶封住洩漏位置,並非長久之計。睇嚟一眾太空人同研究人員要繼續諗辦法解決先得喇!

原圖:NASA