重陽節登高,當然想睇靚景,咁香港咁多山可以登,邊度嘅靚色夠靚夠吸引呢?早前香港超級馬拉松運動員黃浩輝(輝Sir)用咗15日時間,踏遍香港100山峰,佢就推介咗兩座山峰,可以俯瞰香港嘅景色,今個重陽節欲窮千里目,一於更上一層樓啦。

岩頭山 遠眺港島

作為跑步運動員,輝Sir表示時好少留意身邊環境,行山速度有限,可以慢慢去經歷。而喺呢一次旅程,佢就發現香港好多地方未去過,認識香港旅程。

講到香港嘅隱世美景,Sir就好鍾意位於西貢嘅岩頭山,佢表示:「岩頭山處西貢中間高點,可以360度睇晒四周靚景,天氣好嘅時候,仲可以遠眺港島,甚至有機會望到IFC

頭山位於西貢西郊野公園,海拔高度452米,如果大家都想行岩頭山,可以由西貢市坐7號小巴,喺海下路近猴塘溪車,沿嶂上郊遊徑一直行到嶂上,再接上麥理浩徑,就可以上山,最後喺北潭凹坐小巴或巴士離開

彌勒山 俯瞰機場

另外,輝Sir又推介咗位於大嶼山嘅彌勒山,佢話:「基本上喺呢度可以飽覽整個大嶼山嘅景色。」

彌勒山係香港第八高嘅山峰,海拔高751米,位於昂坪以北,大家可以由昂坪起步,沿住彌勒山郊遊行,沿路都係平路,然後再轉入小徑,就可以上山啦,上到山頂,右望鳳凰山,左望大東山,氣勢磅礡,更可以俯瞰機場同東涌市中心,坐擁360度景色,絕對令人心曠神怡!回程可以選擇行落東涌,然後坐港鐵或巴士離開。

圖片來源:黃浩輝、互聯網


早前黃浩輝走遍香港100山峰,發現香港好多地方未去過嘅地方,西貢岩頭山就係佢好鍾意嘅地方。


岩頭山位處西貢中間高點,可以360度睇晒四周靚景。


岩頭山海拔高度為452米,景觀一流。

岩頭山位置圖


輝Sir表示,嚟到彌勒山,可以飽覽整個大嶼山景色。

彌勒山係香港第八高嘅山峰,山頂坐擁360度景色。

喺彌勒山仲可以俯瞰機場同東涌市中心添!


彌勒山位置圖