每年1024國際長臂猿日(International Gibbon Day),由IUCN靈長類小猿專家組發起,目的係引起社會公眾對長臂猿關注,號召大家為保護長臂猿採取積極行動。其實近年好多機構都為保護呢種瀕危動物而出了很多力,例如嘉道理農場暨植物園2003開始一直海南霸王嶺國家級自然保護區開展海南長臂猿保育工作。

一場颱風 截斷日常通道

海南長臂猿海南獨有物種五六十年代有二千隻,但隨住森林開發、打獵,到七十年代至個位數,當時開始保護,經過多年努力,嘉道理中國保育部高級自然保育主任羅益奎(Philip)最近便傳來喜訊:「2003年海南林業局請嘉道理農場幫手當時統計時13海南長臂猿,恢復至現時533隻。

Philip又表示:「現時海南長臂猿只在霸王嶺國家級別保護區找得到,而且一向只喺一個林區有活動,今年發現有一群擴散至另一個林區,對呢個物種係幾好嘅消息,代表牠們有能力擴散,對將來好重要。」未來佢哋會密切監察呢一群長臂猿,睇睇佢哋有無新發展,並研究佢哋嘅生態。

嘉道理農場其中一項保育措施就係為海南長臂猿搭建樹冠廊道,以重新連通一條2014年被超強颱風「威馬遜」造成滑坡所破壞日常通道,Philip Lo解釋話:「颱風令長臂猿棲息地滑坡,將佢哋經常經過嘅森林一分為二,長臂猿一般喺樹冠活動,樹冠唔相連就會影響佢哋嘅活動範圍,佢哋可能要跳過好遠嘅距離,亦可能要直墜十米,險像橫生,於是我哋開始思索,如果喺樹冠搭上繩索,佢哋就有機會用繩索盪過去。」

搭建過程 困難重重

不過看似簡單,但要實行卻非易事,首先佢哋要同保護區溝通,得到當局批準,又要去現場考察,睇睇能否行得到去,樹木夠唔夠穩陣等等,整個策劃過程就用咗半年,到搭建嘅時候,更係困難重重:「一來地點位於山上,要由海口坐四五個鐘車,再行三四個鐘山先可以到達,又要帶好多攀山繩,搬運過程係好嘅大挑戰,好彩有當地社區護林員幫手,解決此一問題。我哋又請咗香港三位樹藝師幫手,佢哋都係志願者,大家一齊喺山上過咗三日兩夜先至搭起。」

佢哋一直用紅外相機監測,發現樹冠廊道建成後,長臂猿依然有戒心,唔肯使用,一直到半年之後先至第一次使用,Philip坦言當時大家都好興奮:「好開心我哋呢半年勞心勞力終於有成果,以後長臂猿就唔使好似以前咁做空中飛人!」之後使用率越嚟越高,平均兩日用一次,已相當接近颱風破壞前長臂猿利用天然通道水平。

創意保育 全球首創

雖然建立人工樹冠廊道保育手段全球各地日漸普及,但針對長臂猿樹冠廊道不但係中國首例,外國也鮮有文獻探討其設計和成效。Philip由此總結出一啲經驗:「要有創意,唔好怕,假如唔敢試便唔會有今天嘅成功,而同當地合作構通亦好重要。」

圖片來源:嘉道理農場暨植物園

海南長臂猿是世界上最稀有的靈長類動物,僅剩下約33隻。


海南長臂猿成年女性毛色係金黃色,而成年男性嘅毛色係黑色,至於未成年嘅,不論男女都係黑色。

海南霸王嶺國家級別保護區山林茂盛,擁有古老嘅森林,係海南長臂猿嘅最後故鄉。


專業攀樹師協助修建樹冠廊道。


搭建之後176天,海南長臂猿終於開始樹冠廊道。