香港藝術館又有新展覽喇!由今日起到出年2月24號,香港藝術館會舉行同意大利烏菲茲美術館合辦嘅「波提切利與他的非凡時空──烏菲茲美術館珍藏展」,展出向意大利烏菲茲美術館同其他機構借嚟40幾年嘅珍貴館藏。

今次展覽係由康樂及文化事務署同意大利文化遺產、活動同旅遊部聯合主辦,展覽由意大利駐港總領事館同華意文化協會協辦,康文署表示,今次展覽係為咗慶祝中意建交50周年嘅文化交流項目之一,向公眾展示十五至十六世紀文藝復興時期嘅藝術特色、文化。

呢次展覽特地由意大利烏菲茲美術館同其他機構借嚟多件珍藏,當中以桑德羅‧波提切利嘅作品為主軸,包括《三王朝聖(拉瑪的朝拜)》、《聖母、聖子與聖若翰洗者》、《書房內的聖奧斯定》等,同場亦展出菲利普‧利皮及其他同期大師嘅重要作品。

圖:香港藝術館網頁、旅發局


(《聖母、聖子與聖若翰洗者》,香港藝術館網頁)


(《三王朝聖(拉瑪的朝拜)》,香港藝術館網頁)


(《一位年輕女士的肖像》,香港藝術館網頁)