因為疫情關係,香港海洋公園暫停舉行哈囉喂,不過唔洗驚,其他地方都有舉行萬聖節活動,大家仍然可以感受下節日氣氛!位於荃灣嘅南豐紗廠,亦舉行咗一系列萬聖節活動,包括Instagram攝影比賽,而小朋友亦可以喺紗廠同店員大玩Trick or Treat添!

南豐紗廠由10月17日起至11月1日,舉行名為「紗廠怪朋友」嘅萬聖節Instagram攝影比賽,市民只需要喺南豐紗廠內影低趣怪表情或構圖,上載至Instagram並hashtag #TheMillsHalloween2020 以及標註 @themillshk,即可參加比賽,有機會贏取價值$500嘅紗廠好匠禮券。

另外即日起,喺紗廠消費滿港幣$300或以上(最多兩間商戶合併收據),即可換領限量「紗廠怪朋友」印水紙一套,而消費滿$400或以上,就可以換領限量「紗廠怪朋友」印水紙同貼紙一套,數量有限,換完即止。

喺10月30日至11月1日嘅萬聖節前後,中午12點至晚上8點,小朋友亦可以自攜萬聖節主題容器,去到紗廠內嘅特定商戶同店員大玩Trick or Treat,感受節日氣氛!

有興趣可以睇下有關活動詳情:http://www.themills.com.hk/event/halloween2020/

原圖:南豐紗廠