喺新冠肺炎疫情下,唔少大型活動都被迫取消,嚟緊就係萬聖節,往年舉行嘅慶祝活動今年都無奈受到影響。日本嘅環球影城就諗到條好橋,將原本嘅變裝大會改成網上舉嘅口罩變裝大賽,引嚟唔少網民正面迴響!

日本環球影城表示,為咗配合因應疫情減少群眾聚集嘅政策,佢哋今年萬聖節會推出特別活動「口罩變裝大賽」,希望利用口罩精心打扮,讓大家感受萬聖節嘅節日氣氛。

環球影城表示,今次口罩變裝大賽分為三個部分,分別係一般市面上發售嘅口罩、環球影城發售嘅口罩,以及環球影城相關為題進行包括口罩在內嘅全身裝扮,完成後只需影相上傳到社交網體,附上相關嘅hashtag即可參賽,優勝者可獲得樂園年票、周邊商品等等獎品。

有唔少網民對活動有正面迴響,大讚呢個活動好好,又話相信呢個活動屬於「今年限定」。呢個活動由上個月開始舉行,至今已經有唔少網民上載咗自己獨一無二嘅「口罩cosplay」。

原圖:Twitter@rate07070