香港有咩多?人多車多之外,其實水塘都好多!因為香港開埠之後,人口漸漸增加,所以政府就不斷興建水塘,以滿足人口需要!今次介紹嘅大潭水務文物徑,就一次過去晒大潭嘅四個水塘,仲可以睇到好多一級歷史建築添!

全長5公里 21項法定古蹟

大潭水務文物徑全長5公里,範圍涵蓋21項已列為法定古蹟的水務歷史建築,包括上水塘水壩及水掣房、副水塘水壩、中水塘水壩、大潭篤水塘紀念碑等等。大家可以坐巴士,由黃泥涌峽起步,然後由大潭道坐巴士離開,全程大約3小時左右,最重要係成條沿途綠樹成蔭,適宜合家歡遊樂。

大潭水塘其實包括四個水塘,各水塘落成日期,依次為大潭上水塘(1888年)、大潭副水塘(1904年)、大潭中水塘(1907年)及大潭篤水塘(1918年),反映港島人口不斷增加。四個水塘夾埋總容量超過800萬立方米,規模龐大,直至依家然係港島區重要供水系統之一。

大潭上水塘 香港第二個水塘

由黃泥涌峽出發,行程第一站就係大潭上水塘,呢個水塘亦係繼薄扶林水塘之後,香港第二個建成水塘,喺十九世紀末,隨住人口增長,港府展開大型水塘興建計劃,先後完成薄扶林水塘、大潭水塘黃泥涌水塘,由於當時人口集中現今中環及灣仔一帶,興建大潭上水塘時,亦開鑿相信全港第一條輸水道,從大潭上水塘堤壩附近通往大坑道,再經輸水網絡把食水運送至中環等地區。

大潭篤水壩 打卡熱點

水塘最重要當然水壩,四個水塘都有水壩,以花崗石、毛石及混凝土等建成。四個水壩各有特色,其中大潭上水塘嘅主壩本身係無排水口,雖然睇唔到壯觀嘅排洪景象,但喺呢度往下望,可以見到記錄儀器房及隧道進水口就在下邊;至於大潭篤水塘水壩就最出名,特色就係堤壩建有12條半圓拱形溢洪水道,喺雨季暴雨後水塘滿溢,雨水就會由呢啲溢洪水道排出大潭灣,非常壯觀,亦成為打卡熱點!

優美石橋 貫穿水塘

水塘中少石橋,其中5法定古蹟,部份為花崗石拱形結構以多條巨柱作

承托,建築風格非常優美,其中大潭篤水塘更靠四座石橋貫穿多個河床。

最後就係大潭篤原水抽水站員工宿舍群,由列作法定古蹟嘅高級員工宿舍、員工宿舍及第2號員工宿舍構成,該3幢員工宿舍分别喺1905年、1907年及1936年落成,其中高級員工宿舍主樓樓高2層,裝潢以藍色及白色為主,部分屋簷採用中式「雙筒雙瓦」設計,整體結構良好,外觀亮麗。至於抽水站就係以紅磚建成的倉庫式建築物,屋頂用中式瓦片鋪砌,在運作初期用蒸汽機推動抽水機作輸送食水。不過呢幾個景點現時係封鎖不能內進,大家只可以喺閘門外影吓相

圖片:LOOOP.HK、古物古蹟辦事處


大潭水務文物徑路線圖


大潭上水塘係繼薄扶林水塘之後,香港第二個建成嘅水塘。


大潭上水塘水掣房於1888年建成,以花崗石建成,只有一個門口。


大潭上水塘水壩由花崗石牆及混凝土建成,高30.5米、長121.9米、寬18.3米,係當年香港最大嘅水壩建築物。


大潭上水塘石橋橫跨昔日溢洪道嘅通道。


大潭副水塘啟用後,接收咗上水塘嘅溢水,間接為上水塘增加容量。


大潭副水塘水掣房牆身以石面粗琢花崗建成。


大潭中水塘並無圓拱形溢洪水道,雨季水塘滿溢時,水就喺水壩頂流出,變成瀑布。


大潭中水塘水掣房門窗均以半圓拱形設計,是其建築特色。


大潭篤水塘係四個水塘之中最「年輕」一個,於1918年落成。


大篤水塘水壩特色係有12條半圓拱形溢洪水道,由花崗石築成。

大潭篤水塘有四座石橋,都係建於1907年。


大潭篤原水抽水站及員工宿舍,於1905年至1936年落成。