結婚係人生大事,如果結婚中途新郎突然走咗去,大家點睇?安徽有位新郎早前喺結婚途中,聽到有人大嗌即刻走咗去,不過得知新郎中途離開嘅真相之後,網民們唔單止無鬧新郎,更大讚新娘嫁啱人!

新郎係安徽醫科大學第一附屬醫院泌尿外科醫生張禮剛,舉行婚禮當日,佢聽到外面有人求救,於是二話不說衝出去。原來有個小朋友玩嘅時候唔小心跌入酒店嘅景觀池,雖然已經被救上岸,但仲昏迷緊,且面色發黑、嘴唇發紫,呼吸心跳都比較弱。張禮剛查看後,即刻幫小朋友做心肺復甦,12分鐘之後男仔恢復意識,佢先返去結婚。

由於搶救及時,小朋友宜家已經無大礙,仲特登去醫院多謝張禮剛,小朋友嘅媽媽仲話,如果無張醫生嘅話,自己嘅小朋友唔一定可以及時得到搶救。張禮剛就表示,當下走咗去完全係出於職業本能,除咗救人根本嚟唔切諗其他。

好多網友得知事件後,都大讚張禮剛:「最帥的新郎,永遠幸福」、「這男人太值得嫁了」、「這場婚禮,比任何婚禮上的高潮時刻都要耀眼」、「姑娘嫁對人了,這樣的男人值得女生去愛,以後一定會幸福」。

圖:微博@央視新聞