新冠肺炎疫情期間,各國都限制出入境,阻止疫情擴散,令本港市民難以出去旅遊。不過今日終於有好消息喇!商務及經濟發展局局長邱騰華今日舉行記者會,宣布特區政府已經同新加坡達成「旅遊氣泡」嘅初步協議,相信兩地市民好快就可以恢復往來,

邱騰華表示,香港已經同新加坡就建立雙邊「航空旅遊氣泡」達成原則性協議,旅客須要喺出發前14日內無去過其他地方;喺出發前72小時,接受兩地互認嘅新冠病毒病聚合酶連鎖反應測試,並呈陰性結果;以及乘搭特定、只會接載「航空旅遊氣泡」旅客嘅航班。

邱騰華又表示,希望喺未來數週展開相關工作,敲定細節,另外亦會聯同相關政府部門包括衞生署,以及香港機場管理局,將來會涉及嘅航空公司等,及早進行相關工作。佢形容呢個係一個重要嘅起步,希望將來疫情許可或好轉後,能夠減少出行限制,讓整個社會同經濟逐步回復正常。

原圖:新華社