喺新冠肺炎疫情下,出入要觸碰一啲公共措施都要格外小心,華懋集團旗下嘅如心廣場商場一期同二期,就引入咗由香港生產力促進局最新研發嘅「kNOw Touch無觸按鈕」,咁大家搭𨋢嘅時候,就可以隔空撳掣,前往指定樓層,減低因為掂到個掣,而感染新冠病毒嘅機會。

華懋集團數碼轉型總監胡達明表示,華懋集團正加快數碼轉型,積極支持本地科研計劃和初創企業發展,集團係首個企業採用生產力促進局首創嘅「kNOw Touch無觸按鈕」,為市民帶來一個更安全、安心嘅購物、餐飲、消閒同娛樂體驗。佢又表示,會繼續同生產力促進局合作,喺唔同範疇應用更先進科技。

佢補充,華懋集團會繼續同唔同業界、機構攜手,透過各種項目支援本地及海外初創企業,協助佢哋茁壯成長,並利用科研技術同產品,改善人類生活質素、保護生態環境。

原圖:華懋集團