2020年係好特別嘅一年,新冠肺炎肆虐全球,今年畢業嘅學生嘅求職之路亦比往年艱辛。所幸今年藝術畢業生嘅畢業作品並無因此受影響、局限,更呈現咗唔少回應生活轉變嘅意念,今年嘅「出爐2020藝術畢業生聯展」就包含多組具時代意義嘅平面及大型裝置作品。

由香港藝術網絡舉辦嘅「出爐聯展」已踏入第16屆,今年聯展會由今日(10月15​號)起至10月23號喺中環香港大會堂低座展覽廳舉行,參展嘅10位應屆畢業生由香港中文大學藝術系、香港浸會大學視覺藝術院、香港藝術學院學士課程提名。另外更邀請咗5位內地美術學院、5位台灣大學藝術系畢業生參展,大家一方面可以欣賞到本地新一代嘅創作潮流,更可以同時對比兩岸三地藝術新秀特色。

圖:主辦機構提供