天文台今早5點40分懸掛8號風球,雖然市面平靜,但仍然唔可以掉以輕心。有做咗十幾年嘅救護員喺Facebook專頁「公務員secrets」投稿,表示每次見到打風都有人照出海游水,佢同啲同事都會「嬲到震」,形容颱風下救護員出海救人係「半隻腳踏入鬼門關」,希望各位網友呼籲家長長輩打風唔好出去游水,拯救救護員生命。

有唔少網民留言批評,打風仲出去游水嘅人累人累己,又認為救護員救人之前應先保障自己性命。又有網民建議政府要立法,就算要救都要重罰呢啲自私嘅人。

原圖:FB@公務員secrets