喺打仗期間,炮彈橫飛,戰場上留下唔少彈殼。喺近年遠離戰爭嘅日本,有位網友喺太太娘家有一個金屬圓柱底,佢一直都以為只係一個普通嘅遮筒,深入了解之後發現原來係個坦克嘅彈殼,令佢感到相當驚訝!

日本網友「トントン(PSVRおじさん)」早前喺Twitter發佈呢個彈殼嘅相片,可以見到呢個彈殼有成個身咁長,難怪一直會當佢係一個普通遮筒。

原來呢個彈殼係來自美國M1坦克嘅常用炮彈,呢位日本網友嘅岳父之前喺法國嘅古董市場見到,一時興起買咗落嚟。呢位網友表示,雖然只係剩返個彈殼,但仍然有成兩公斤重,相信原本連同炸藥同彈頭,呢粒炮彈一定會好重。佢又形容,呢個重量用嚟做遮筒真係啱啱好,唔需要擔心會跌落嚟。

其他網友都大讚奇特,又可以回收廢物,將資源循環再用。

原圖:Twitter@trenteans30ans