有善心嘅人最美!歌手梁詠琪Gigi近排就利用等待小朋友放學、工餘時間去惜食堂做義工,協助處理惜食堂向本地飲食業回收返嚟嘅仍可安全食用嘅食物,再煮成營養均衡嘅熱飯餐免費派發俾社會上有需要嘅人士。

Gigi近日喺其社交平台分享自己去惜食堂做義工嘅經歷,指出宜家惜食堂每星期平均回收35噸仍可食用嘅剩餘食物,並每日製作超過10000份營養均衡嘅膳食同2000份食物包。平日為一家人準備膳食亦需要花唔少功夫,而惜食堂每日要準備咁大量嘅膳食,更加需要多啲人力。所以Gigi呼籲大家,可以善用等接小朋友放學、工餘時間嚟做義工,為社會上有需要人士出一分綿力。

圖:FB@梁詠琪 Gigi Leung Wing Kei