近期大家都喜愛上山親親大自然,呼吸一下清新空氣!對於行山初哥嚟講,太長太辛苦未必適合,如果要坐船去離島就更加麻煩。其實要行山,喺鬧市內一樣得,其中十二號山就離何文田港鐵站不遠,想上山,10分鐘就得啦!

「十二號山」又稱「紅磡山」,對面老龍坑山、採石山遙遙相對。九龍半島於1860年割讓英國時,殖民地地政測量官員需要測繪新領地地圖,部分山嶺用數字命名,後嚟又無正式名字,被山下居民以數字作稱呼。

依家嘅十二號山,山體已開發到不似一座山,不過如果由紅磡向上望,確實見到小山丘由忠孝街車閘入,大約10分鐘到達「山頂」,絕對係零難度

大家想行山嘅話,可以由何文田港鐵站B出口,橫過馬路對面行人路,再轉左直行,好快就見到京士柏食水配水嘅車閘口,就係十二號山嘅入口。越過車閘上斜,中間會見到一個髮夾彎,只要選左邊嗰路,就嚟到京士柏食水配水庫,水庫於1960年落成。

沿住梯級上,就進入京士柏食水配水庫遊樂場,會見到一個足球場,呢度既有長大家休息,亦有一大片草坪。水庫忠義街花園接壤,雖然只係一個好細嘅公園,不過喺度眺望遠景都唔錯架!

水庫遊樂場有另一個出入口,由呢度離開,可俯瞰市區景色。沿落斜路,經過涼亭之後,好快就返回入口大閘,可以沿忠孝街返到何文田站。

圖:LOOOP.HK


從山上可俯瞰鬧市的風光。


山上有一大片空地,令人心曠神怡。


何文田十二號山路線圖。


大家想行山嘅話,可以由何文田港鐵站B出口出發(A)。

橫過馬路對面行人路,再轉左直行(B),好快就見到京士柏食水配水庫嘅車閘口(C),就係十二號山嘅入口。


越過車閘上斜,中間會見到一個髮夾彎,只要選左邊嗰路(D),就嚟到京士柏食水配水庫,水庫於1960年落成(E)。

沿住梯級上(F),就進入京士柏食水配水庫遊樂場,會見到一個足球場(G)。


水庫同忠義街花園接壤(H),忠義街花園雖然只係一個好細嘅公園(I),不過喺度眺望遠景都唔錯架!

水庫遊樂場有另一個出入口,可以由呢度離開(J)。


沿住落斜路行,會經過一座涼亭(K),好快就返回入口大閘(L)。