「太陽能電筒」大家就聽得多、笑得多,不過「太陽能背囊」就幫到唔少遠在非洲嘅貧困學生喇!

喺香港,大家都不愁無電、無燈,不過對於非洲嘅小朋友嚟講,點點燈光都得來不易㗎。喺2016年,阿里巴巴嘅商家就收到來自科特迪瓦商家客戶嘅訂單,希望造一批具照明功能嘅太陽能背囊,送俾小朋友做禮物。後來呢位商家不斷改進設計,大大減低製作成本,而家成本已經降至非洲市場可接受嘅價格,令更多非洲小朋友受惠!

原圖:FB@阿里巴巴集團