有啲人覺得上咗年紀嘅老人家好欺負,就專門恰老人家,但美國呢位67歲嘅婆婆Lorenza Marrujo就憑實力話俾大家知:無人有權力傷害老人家!

根據美媒《FOX17》報導,Lorenza同81歲鄰居Elizabeth McCray平時經常來往,彼此係鄰居亦係好朋友。有一晚,一個有犯罪前科嘅男人闖入Elizabeth屋企偷嘢,仲打傷Elizabeth。Lorenza聽到Elizabeth呼救聲後,慌忙之際下先報警再直接衝入Elizabeth屋企。當時Elizabeth正被男人㩒住嚟打,身高只有147cm嘅Lorenza無畏無懼,拎起支球棒就向男人揮去,男人無因此退後,反而同Lorenza埋身肉搏。

結果當警察到場嗰陣,男人嘅眼睛同下巴都有傷,仲已經被Lorenza制服喺地下。原嚟Lorenza係柔道黑帶,練咗柔道成26年,所以行竊嘅男人完全唔係佢對手。Elizabeth事後表示,從嚟唔知好朋友咁勁,「我還警告她要小心,對方可能會把我們2個都殺了,但她告訴我『別怕,今晚我們都會沒事』,接著就在我眼前迅速制服惡徒。」不過,警方都建議一般人如果遇到呢種情況最好都係先報警,唔好貿然自己行動,以免連自己都置身險境。

圖:KCAL9.com