一場新冠肺炎,打亂咗全世界嘅節奏,除咗原定今年舉辦嘅東京奧運會要延期之外,第八屆全港運動會(港運會)亦將延期一年舉行。原定今年開始嘅十八區運動員選拔將延至明年4月至2022年1月舉行,區際體育比賽則順延至2022年3月開始。

第八屆港運會原定今年9月起舉行地區運動員選拔,但由於新冠疫情反覆,康樂及文化事務署早前亦暫停開放部分康體設施,同停辦康樂體育活動、比賽,故此運動員選拔賽仍未開始。為咗保障市民嘅健康,同確保賽事水準,第八屆港運會籌備委員會決定將運動會延後一年,於2021至2022年舉行。

圖:第八屆全港運動會網頁