康樂及文化事務署香港電影資料館將舉辦「抗戰影像回眸」專題節目,喺11月7號下晝2點免費放映由許鞍華導演,周迅、彭于晏、霍建華、葉德嫻主演嘅電影《明月幾時有》(2017),門票由聽日(10月7號)開始喺資料館詢問處派發。每人限取兩張,先到先得,派完即止。

 《明月幾時有》係經典嘅華語抗日電影,其故事改編自真人真事,主要講述飾演女教師嘅周迅如何將抗敵活動化為日常。電影透過香港百姓喺淪陷期間嘅生活群像,等觀眾認識呢段對香港影響深遠嘅歷史。有興趣嘅朋友可以由聽日起喺星期一、三至日上晝10點至夜晚8點喺資料館詢問處索取。

詳情請瀏覽:https://www.info.gov.hk/gia/general/202010/05/P2020100500645.htm

圖:政府新聞署