全球肺癌權威、香港中文大學醫學院腫瘤學系系主任莫樹錦教授,近日獲國際著名腫瘤學多媒體資源平台OncLive譽為「腫瘤學巨人」(Giant of Cancer Care),以表揚佢喺肺癌研究同治療上嘅貢獻。莫樹錦係首批獲此國際殊榮嘅亞洲專家,更係第一位來自歐美學府以外嘅得獎學者。

莫樹錦喺2009年發表IPASS研究(IRESSA Pan-Asia Study),係全球首項研究證實帶有EGFR基因變異嘅肺癌病人接受標靶治療嘅效果比傳統化療優勝,正式確立標靶治療為EGFR基因變異肺癌嘅一線治療方案。今年,莫樹錦領導全球首個利用人體基因編輯技術作為晚期肺癌治療方案嘅第1期臨床試驗,確認咗CRISPR基因編輯技術進行相關操作嘅安全性、可行性。

對於獲此殊榮,莫樹錦表示感到非常光榮,並感激過去多年來同佢一齊努力嘅研究人員,仲話:「我們都一步一步克服各種困難,改進肺癌治療,無休止地向肺癌宣戰。」

圖:香港中文大學