今年係著名作家張愛玲百年誕辰,全國有唔少團體都為此舉辦紀念華東,而張愛玲母校香港大學亦為佢舉辦「百年愛玲,人文港大」百年誕辰紀念文獻展,展出多張學籍紀錄、1941年文學院師生大合照、住過嘅聖母堂影像等珍貴資料,而大多數展品更係首次面世,值得一睇。

張愛玲曾喺香港大學文學院求學,期間結識畢生摯友炎櫻,亦令佢喺文壇上嶄露頭角,佢嘅代表作《傾城之戀》就係以香港淪陷為背景而創作。今次文獻展由港大比較文學系、文學院同香港大學美術博物館合辦,展出多項關於張愛玲及其師友嘅資料文獻嚟全面呈現佢喺港大嘅生活與因緣,包括張愛玲喺大學二年級獲得獎學金嘅原始檔案紀錄、張愛玲所住嘅港大女生宿舍嘅文字同影像記載、好友炎櫻及家人喺港大就讀嘅相關文件等。

今次展覽暫時只開放網上版,等外界條件允許下,港大將會喺馮平山圖書館舉辦更全面嘅文獻展。

展覽網址:

https://www.virtual.umag.hku.hk/eileenchang100

圖:香港大學