新冠肺炎疫情期間,全港學生無法返校上堂,要改以網上形式上堂同交功課,對屋企缺乏電腦嘅學生學習帶嚟不便。香港創新基金同信和集團喺8月開展「一人一電腦」計劃,合共捐出過千部手提電腦,幫助有需要嘅學生。

「⼀⼈⼀電腦」計劃由8月17日至9月4日接受申請,合共收到超過2300宗申請,其中1019宗獲批,有超過6成嘅申請者都表示屋企無電腦。呢個計劃嘅對象係2020/21年度就讀小四至中三嘅基層學生,每部電腦都會有3年保養,計劃亦會為屋企無寬頻網絡嘅學生,提供2張本地流動數據卡。

基金副主席暨信和集團集團總經理黃敏華表示,「⼀⼈⼀電腦」計劃原本只會捐贈大約200部電腦,但因為反應超乎預期,於是就加碼至1019部,希望幫到更多人。此外,計劃亦同香港浸會大學合作,50位浸大學生組成學習支援大使小組,解答受惠學生嘅問題。

原圖:香港創新基金